Тропарь преподобному Даниилу Шужгорскому, глас 5
Горлице пустыннолюбная,/ преподобне и богоносне отче Данииле,/ на горе любовию водворяяйся,/ вся долу влекущая оставил еси/ и труды ко трудом прилагая,/ на боговедения гору неисходно возшел еси./ Помощник буди, преподобне, всем, любовию чтущим тя,/ да шествие свое в Горняя совершим// и причастницы Жизни Вечныя будем.
Кондак преподобному Даниилу Шужгорскому, глас 1
Образе веры и смирения,/ преподобне отче наш Данииле./ Любве Божественныя исполнен быв,/ трудный подвиг пустыннаго жития избрав/ и в добродетелех возрастая,/ людем страждущим помощник обрелся еси верен./ Тем тя молим,// не остави нас, отче милостивый.
